Ua tragedia en Russia

dou rus

Lo Крокус-Сити-холл o Krokus-Siti-kholl (en rus) qu’ei ua sala de concèrt situada a Krasnogorsk, au nòrd-oèst de Moscòu. Qu’a ua capacitat de 6 200 plaças. Qu’estoc bastida en 2009.

Lo 22 de març de 2024, quate òmes armats que passèn e hasón ua fusilhada e atacas a l’arma blanca. Qu’aurén tuat au mensh 137 personas e nafrat 180 autes.

L’ataca, reivindicada per un grop Estat islamic, qu’ei la mes murtrèra suu sòu rus desempuish annadas.

Russia qu’obsèrva ua jornada de dòu aqueste dimenge 24 de març. Los eveniments dens las institucions culturaus qu’estón anullats, los drapèus qu’èran en dòu (les drapeaux étaient en berne). Los divertiments televisats e la publicitat qu’estón remandats (suspendus), segon l’agéncia de premsa oficiau RIA NOVOSTI.

Hèra de monde qu’an depausat ua pièla de flors a costat de la sala de concèrt.

Posted in

Laissez un commentaire

Vous devez être connectés afin de publier un commentaire.