Te matahiti âpī, l’an navèth a Tahiti
29/12/2023 / /
La hèsta a Tahiti
Si t’agrada la hèsta, va hèr un torn a Tahiti. Tot i ei pretèxte a cançon e a dança. La temperatura va de 29 a 31°C dab seradas doças a 26-27°C.
Minjaràs per exemple:
- un excellent ia ota: peish crud dab citron e cogoms [concombres] que cau pas har plorar en los copant;
- un poret Fafa: poret, lèit de cocòt [noix de coco] e huelhas de taro cueitas;
- un deliciós po’e: LO dessèrt polinesian, a basa de haria de tapiòca e de lèit de cocòt e perfumat dab un hrut.
Segur, auràs la toa caisha de cervesa locau, la serada pòt estar longa…
tere fa’que’ a ati ia Moorea
Benlèu, anaràs dab los joens de l’isla lo 2 de genèr, entau tere fa’que’ a ati ia Moorea.
Los Polinesians an ua bona facultat a crear rites navèths. Atau, sus l’isla de Moorea, lo 2 de genèr, centenats de motards e motociclistas s’amassan entà hestejar lo passatge a l’annada navèra devath la bandèra… prevencion rotèra.
Ia ‘oa’oa i te matahiti âpi : bona annada!
Tà legit un pauc de tahician, clica ací.
Tà véser quauquas collegianas e quauques collegians dançar: