Tarta de citron

Guilhem

Recèpta de tarta de citron

A nòste que n’i a un sarròt de citronèrs, de qué har tartas de citron.

En purmèr preparatz la pasta sablada dab
– cent cinquanta gramas de haria,
– seishanta gramas de sucre,
– seishanta gramas de bóder,
– un pecic de sau.

Mesclatz tot dinc a obtiéner ua pasta sablada, puish hètz un putz au miei, copatz un ueu e prestitz dinc a aver ua pasta lissa. Deishatz pausar mieja ora e ajaçatz-la dab lo bistortèr; hicatz sus tòla e au horn 20 minutas.

Mentretant, raspatz la pèth de dus citrons e tiratz lo shuc de quate autes, mei o mensh cinquanta centilitres.
Hens ua caceròla separatz lo mujòu e lo blanc de quate ueus, hornitz cinquanta gramas de Maizena, cent cinquanta gramas de sucre, tornejatz energicament puish versatz pauc a pauc lo shuc de limon.

Hicatz sus lo huec en tornejant tostemps dinc e sii espés.
Deishatz afredar, hornitz ueitanta gramas de bóder, depausatz sus hons de tarta.

Pujatz los blancs d’ueus en nèu, estenetz dessús la crèma e en.hornatz-lo ua minuta entà daurar.
Bon apetit!!

Francesa Lesvaths