Spòt en Ucraina

Actu' Joens

Spòt, qu’ei lo can-robòt de Boston Dynamics. Dab los sons 32,5 kg, que sap bolegar sus tots los terrens, que sap pujar los escalèrs e mei, que sap evitar los trebucs. Que vei a 360°. Que pòt tanben portar 14 kg de materiau o d’accessòris. Dinc a uei qu’èra emplegat dens l’industria sustot tà inspectar los obradors [chantiers].

Adara un Spòt qu’ei emplegat en Ucraina tà desminar o manipular las municions qui n’an pas petat. De segur, n’ei pas lo sol robòt emplegat. Que n’i a qui copan los hius qui desclavadan [déclenchent] los tracanards [pièges], d’autes qui escanan lo sòu. Mes aquestes robòts que son pesucs – per exemple, MV-4 que pesa 7 tonas – e non pòden pas passar pertot. Spòt qu’ei mei lèst ! Que poiré tanben netejar las abitacions.

Un dotzenat de cans robòts Spòt que deurén arribar en Ucraina bèthlèu.