Sonque un plumaish de nèu…

klipartz.com (64)

Guilhem

Aquera fabla qu’es de l’Anglés Kurt Kanberis, e qu’estó publicada dens lo son recuelh New Fables. Que me la soi arrevirada en occitan de Gasconha, e que me la condi atau dempuish mèi de vint ans!
M. B.

 

– Ditz-me lo pes d’un plumaish de nèu, ce demandè un jorn la codèita negra a la coloma blanca.
– Arren de mei qu’arren, qu’estó la responsa.
– Dens aqueth cas, que’t vau condar ua istòria fantastica, s’i tornè la codèita negra. Qu’èri assèitada sus la branca d’un avet, tot près de la cama, quan a començat de nevar, non pas com dens ua tempèsta de nèu, mes com dens un saunei. Quauques leugèrs plumaishs de nèu que cadón shens brut, shens violéncia. Com n’avèi pas arren de particular de har, que’m soi hicada a comptar los plumaishs de nèu qui’s pausavan suus arrams de la mia branca. Que’n comptèi exactament tres-millions-sept-cents-quaranta-e-un-milas-nau-cents-cinquanta-dus… Quan lo tres-millions-sept-cents-quaranta-e-un- mila-nau-cents-cinquanta-tresau plumaish e cadó sus la branca (arren de mei qu’arren, com ac disèvas tu), la branca qu’a petat.

Autanlèu qui avó acabat la soa istòria, la codèita negra que s’esparvolè. La coloma blanca, qui desempuish lo temps deu pair Noah e hasó autoritat en la matèria, que calculè ua pausòta sus aquesta istòria, e qu’acabè per disé’s:
– Bilhèu que ne manca pas sonque la votz d’ua sola persona endé menhar la patz dens lo monde!…

Vocabulari:

codeita: bergeronnette

Posted in

Laissez un commentaire

Vous devez être connectés afin de publier un commentaire.