Semifinalas de rugbi

Leà

Las semifinalas de la còpa deu monde de rugbi 2023 que son aqueste divés 20 d’octobre enter Argentina e Navèra Zelanda e dissabte 21 enter Anglatèrra e Africa deu sud. Espiatz la partida enter los Pumas e los All Black. A seguir suu site dedicat. E pensatz a la cançon de Nadau: Lo nhacar.

Que podetz tanben escotar Rugbi de Joan Francés Tisnèr, ua música electroacostica qu’acompanha los moments de l’espòrt
e léger lo libe Le rugby en gascon de Miquèu Baris et Joan-Jacme Dubreuil.

Lo rugbi, un pauc d’istòria

Lo rugbi que nèish en Anglatèrra, a Rugbi, au sègle XIXau. Que s’apèra alavetz lo fotbòl de Rugbi. òc, de vertat! La Rugby School que publiquè lo 28 d’aost de 1845, 37 règlas dens un obratge, Laws of football as played at Rugby School.

Mercés aus comerçants e aus estudiants anglés, lo rugbi qu’arriba a Le Havre en 1872. Puish los estudiants britanics a París que s’i hican. En província, lo purmèr club qu’ei l’Estadi Bordalés en 1889, e mei tard,  LOU Rugbi (Lion Olimpic Universitari rugbi) en 1896, puish l’Estadi Tolosenc en 1907. Tà’n saber mei, ací qu’avetz lo ligam dab Le rugby un sport pour les Gascons.