Recòrd d’apnèa

unnamed

Lo sorelh que torna. Lo parat de nadar un pauc. E, qui sap, de t’ensajar a l’apnèa. Qu’ei ua activitat que interessa de mes en mes. D’alhurs, que deveré estar un espòrt olimpic en 2024 a París.

En França, 20 000 licenciats qu’an enter 12 e 20 ans. Que i a mes d’ua categoria d’apnèa. Dab l’apnèa estatica que’t cau guardar l’aledada* lo mei lontemps possible. Que i a tanben l’apnèa dinamica que consista a nadar la distància mes longa possibla.

Que pòts destriar* l’apnèa en immersion liura (que cau aténher la mes grana pregondor* lo long d’un cable), l’apnèa de pes* constant (medisha causa sens lo cable, sonque dab los braç e las camas, dab o sens palmas), l’apnèa de pes* variable (dab ua gusa* – aparelh lestat – lo long deu cable), l’apnèa no limit (que devaras dab ua gusa e que pujas dab un balon d’aire).

Portrèit de Vincent Mathieu

Vincent Mathieu que neishó en 1987 a Bordèu. En 2013, que comença l’apnèa en un club associatiu. Au prumèr còp, que demòra dens l’aiga, en apnèa, 5 minutas, un temps fòrça long per un debutant.

En 2015, qu’ei vice campion deu monde, en 2016 qu’ei medalha d’aur dens la categoria “apnèa estatica”. Lo son recòrd : 8 mn 53 (2016, Kalamata)

Entà s’entrainar, qu’apractica la natacion, la musculacion, los estiraments. Mès non pas los espòrts d’endurança pr’amor favorisan la consomacion d’oxigèn peu còrs. Qu’altèrna 2 jorns d’apracticament e 2 jors de repaus.

Que soi allergic a l’aiga hreda” ce con·hessa… De non pas créser !

Lo recòrd mondiau… inuman

De vertat, l’òme qu’ei un jogadoret. La balena de Cuvier, aquera òc, que sap guardà’s l’aledada*. Lo 23 de seteme de 2020, ua qu’a passat un recòrd: 322 mn sia 3h42. Per abans, qu’èra de 138 minutas (2h18) tà cabuishar* a 2992 m (California, USA).

Loisa

Lexic:

cabuishar : plonger

destriar – destinguir : distinguer

guardà’s l’aledada : retenir sa respiration

gusa : gueuse

pes : poids

pregondor : profondeur

 

 

 

 

Posted in

Leave a Comment

You must be logged in to post a comment.