Ragost de pòrc dab macarònis

Guilhem

Ragost de pòrc dab macarònis

Ingredients :

1 quilograma de pòrc ;
350 gramas de macarònis ;
2 cebas ;
2 asclas d’alh ;
1/2 floquet de peirassilh ;
1 floquet guarnit ;
2 culheradas a sopa de concentrat de tomatas ;
2 culheradas a sopa de haria ;
1 litre de bolhon de carn ;
2 culheradas a sopa d’òli ;
1 pechic de sau ;
1 pechic de péber ;
2 pechics de paprika.

Aprestatge :

En ua coquèla, hètz passar la carn talhucada de tot costat en l’òli. Autanlèu que son daurats los tròç, sortitz-los.

Remplaçatz-los per las cebas preliminarament talhucotadas puish hètz-las daurar.

Tornatz hicar en la coquèla la carn adobada de sau, de péber e de paprika. Saupicatz lo tot dab la haria puish mesclatz suu huec pendent 1 minuta.

Hornitz lo bolhon caut, lo concentrat de tomatas desligat dab un drin d’aiga e lo floquet guarnit.

Deishatz còser pendent 1 òra e mieja a huec doç en cobrir.

Cosetz los macarònis “al dente”, puish hètz-los esgotar.

Versatz-los en la coquèla puish deishatz mitonar 10 minutas. Hachatz l’alh pelat e lo peirassilh puish mesclatz-los.

Arrevirada : Guilhèm Guichòt
Relectura : Remesi Bòlh