Ragost d’anheth

Guilhem

Ragost d’anheth

Ingredients :

1,2 quilograma d’anheth ;
250 gramas de lardons ;
3 carròtas ;
3 cebas ;
5 asclas d’alh ;
1 floquet guarnit ;
1 brigalh de romanin ;
1 tròç de pèth d’irange ;
1 litre de vin roi leugèr ;
1 culherada a sopa de haria ;
2 culheradas a sopa d’òli d’oliva ;
1 pechic de sau ;
1 pechic de péber.

Aprestatge :

Talhucatz la carn. Pelucatz las carròtas puish copatz-las en rondèlas.

Pelatz las cebas puish talhucotatz-las. Cauhatz l’òli en ua coquèla. Hètz-i hóner las cebas 5 minutas a huec doç en tornejar.

Hornitz l’alh en camisa, los lardons, las carròtas e la carn. Cosetz 10 minutas a huec mejan en tornejar. Saupicatz lo tot dab la haria puish mesclatz 3 minutas.

Barrejatz lo vin puish hètz lhevar lo borit. Salatz, peberatz, puish hornitz lo floquet guarnit e lo romanin.

Cosetz 2 òras a huec doç en cobrir. Servitz en la coquèla, acompanhat de pomas de tèrra cueitas a la vapor.

Arrevirada : Guilhèm Guichòt
Relectura : Remesi Bòlh