Pilòte de dròne

dròneX

Actu' Joens

Que i a de mes en mes pilòtes de dròne. Benlèu que t’interessa!

Un dròne en vertat

Si ei pas un joguet, que’t cau aplicar quauquas règlas.
Per exemple, un dròne mercat CE que permet d’efectuar vòls en “categoria obèrta”, qu’ei a díser a feble risc. Que’u pòts sustot utilizar si vòs pilotar un dròne entau léser o tà la competicion. En aqueth cas, que deves aver au mensh 14 ans.

Que deves enregistrar lo tué dròne au près de la Direccion generau de l’aviacion civila (DGAC). Que riscas un verbau (une amende) de 750 € si hès volar lo dròne sense l’aver enregistrat. Avisa’t. Qu’existish zònas on lo pilotatge de dròne ei autorizat, autas on ei defendut.

Las règlas màgers

– Non pas subervolar personas
– Respectar las hautors maximaus de vòl (120 mètres de hautor)
– Non pas jamei pèrder de vista lo ton aparelh e non pas pas l’utilizar la nueit
– Non pas hèr volar lo ton aparelh au dessús de l’espaci public en aglomeracion
– Non pas hèr volar lo ton aparelh au ras deus terrenhs d’aviacion
– Non pas subervolar sites sensibles o protegits: centraus nuclearas, terrenhs militars, resèrvas naturaus…
– Respectar la vita privada deus autes: non pas difusar las presas de vista sense l’acòrd de las personas concernidas, e non pas hèr ua utilizacion comerciau
– Verificar qu’ès assegurat·da entà la practica d’aquera activitat.
En cas de dobte, t’assabentar au près de la Direccion generau de l’aviacion civila (DGAC).

Mes d’informacion suu site service-public.

Posted in ,

Laissez un commentaire

Vous devez être connectés afin de publier un commentaire.