Pass sanitari

info@littleguydigital.com

A partir deu 30 de seteme, lo Pass sanitari que serà obligatòri peus 12ans+2mes-17 ans coma peus adultes. Espia lo site deu governament.

Un Pass sanitari qu’ei aquò?

• Un certificat de vaccinacion de mes de 8 dias (en França) e de mes de 15 dias (en Euròpa)
• O un tèst PCR negatiu de mens de 72 òras o un tèst antigenic negatiu de mens de 48 òras
• O un certificat de garison (= tèst positiu de mens de 6 meses e de mes de 11 dias)

Un d’aquestes documents que deu estar presentat en format papèr, o numeric mercés a un còde QR a telecargar sus l’applicacion TousAntiCovid.

Coma se hèr vaccinar?

A partir de 12 ans, que’t cau prénguer un rendetz-vos en un centre de vaccinacion o ua farmacia o au collègi. Lo jorn de la vaccinacion, lo mètge o l’infirmièr·a que’t demandarà s’ès d’acòrdi e discutirà dab tu se n’ès pas segur·a. Ton pair o ta mair que deurà estar dab tu.

A partir de 16 ans, n’as pas besonh l’acòrdi deus tons pairs.

On presentar lo Pass?

Au cine, au concèrt, au café, au restaurant, au musèu, a l’espitau, dens los centres comerciaus de mes de 20 000 m2… dens los buses, los trenes, tà anar en un país estranh… mès pas au collègi ni au licèu ni a l’universitat.

Coma se passarà dens  lo collègi o lo licèu?

 

Lo protocòle sanitari qu’ei de nivèu 2 (jaune): masca obligatòria dehens…

 

Entà mes d’informacion, consulta lo site de l’educacion.

 

Que hèr se i a un cas de Covid dans la tua classa?

S’ès vaccinat, que pòts anar a l’escòla, senon que demoras a vòste pendent 7 dias e que sigues la classa a distància.