Pap Ndiaye, lo ministre de l’educacion navèth

Actu' Joens

Lo 20 de mai, Pap Ndiaye qu’ei nomentat ministre de l’educacion. Que succedish a Jean-Michel Blanquer.

Papa Ndiaye, dit Pap, qu’ei neishut lo 25 d’octobre de 1965 a Antony (92). Lo son pair qu’ei senegalés e la sua mair francesa. Qu’a seguit « l’École Normale Supérieure de Saint-Cloud » ; qu’a ua agregacion d’istòria (en 1989) e un doctorat en Sciéncias Sociaus (1996).

La sua sòr, Marie NDiaye que hè l’escrivana e qu’a recebut lo « prix Femina » en 2001 e lo « prix Goncourt » en 2009. A notar : lo frair qu’escriu lo nom Nd e la sòr ND pr’amor en wolof, ua lenga màger deu Senegal, qu’ei un sol son.

Dens las annadas 80, que rejunh lo grop « Convergences socialistes ».

En 2005, que fonda, dab d’autes, ua federacion d’associacions : lo CRAN (Conseil représentatif des associations noires) entà defénder las populacions negras contra las discriminacions.

Qu’a escriut cinc libes, dont en 2008: La Condition noire : essai sur une minorité française. D’alhors, qu’ei un especialista de las questions raciaus aus Estats Units e en França.

En 2021, qu’estoc nomentat director deu « Palais de la Porte Dorée », lo musèu de l’istòria de l’immigracion a París.