Narges Mohammadi, prèmi Nobel de la patz

Camilha

Lo 6 d’octobre de 2023, Narges Mohammadi, a recebut lo prèmi Nobel de la patz per sa lucha contra l’opression de las femnas en Iran.

En li decernissent lo prèmi, lo comitat Nobel declarèt que “la lucha coratjosa de dòna Mohammadi a agut un còst personal enòrme”.
“En tot, lo regim l’a arrestada 13 còps, l’a condemnada cinc còps e l’a condemnada a un total de 31 ans de preson”, declarèt Berit Reiss-Andersen, presidenta del comitat Nobel norvegian a Òslo.

En efièch, purga actualament una pena de 31 ans de preson en Iran e qu’a recebut 154 foetadas.

Lo prèmi Noble, qu’es aquò?

Alfred Bernhard Nobel nasquèt lo 21 d’octobre de 1833 a Estocòlme en Suècia; moriguèt lo 10 de decembre de 1896 a Sanremo en Itàlia. Es un quimista, industrial e fabricant d’armas suedeses. En particular, a inventèt la dinamita. Depausèt mai de 350 brevets.

Redigís en 1895 un testament per demandar que siá creada una institucion que s’encargarà de recompensar cada an de personas qu’an rendut de grands servicis a l’Umanitat, tot permetent un melhorament o un progrès considerable dins lo domeni dels sabers e de la cultura dins cinc disciplinas diferentas: patz o diplomacia, literatura, quimia, fisiologia o medecina, fisica.