Moisson Livide – La Sèrp d’Isavit

434010832_914710677328591_5010702431290952302_n.jpg

Matilda

Dilhèu avetz entenut a parlar de « Moisson Livide » ? Bahida que’vs pensatz qu’ei un peish d’abriu.

Moisson Livide qu’ei atau que s’apèra la navèra benalèja musicau deu grop Baish-Armanhaqués Boisson Divine.

Qu’estó presentat suus hialats sociaus deu grop de folk-metal, lo 1èr d’abriu de 2022. Mantuns, que s’an pensat qu’èra ua craca, ua peguessa, totun l’idea que hasó lo son camin dens lo cap deus membres de Boisson Divine e que vadó ua realitat coma èra estat lo cas d’ua auta anóncia hèita tanben un 1èr d’abriu. Lo purmèr àlbum ” Sent Empèri Gascon ” que sortirà lo divés 3 de mai de 2024

Moisson Livide qu’ei constituat de Darkagnan : votz, guitarra electrica e acostica, baisha, bouzouki, boha, aboès, tin whistle, saxofòne altò, lap steel, clavèrs…Lo chafre que s’a causit Baptiste Labenne ( co-fondator, cantaire principau e guitarista de Boisson Divine ) que remanda au mosquetar lo mei coneishut Carles de Batz de Castelmore de D’Artagnan qui coma lo grop èra originari deu Gèrs ( Lupiac )

Uei, lo grop qu’a sortit sus la cadena “ Atmospheric Black Metal Albums ” la canta « La Sèrp d’Isavit », la canta que tracta de la legenda epistemologica qu’ei a díser qui a fonccion d’explicar quauquarren. Aquiu lo lac d’Isavit en Bigòrra.

Resumit de la legenda : Bèth temps a, que i avèva ua sèrp monstruosa que tots avèvan paur. Quan aubriva la sua gula qu’aledava tot, la gent, lo bestiar,tot….Un dia, un haure deus hòrt coratjós e valorós que decidè de horgar un enclumi suu quau e harguè espadas. La sèrp que las se aledè. Que horguè barras de hèr la sèrp que las aledè. De tant que n’aspirè, que comencè de’u brutlar de laguens. Lavetz, que comencè de béver totas las lacas e los arrius e la nèu. De tant que bevó, qu’ac vomí tot. Atau, que vadó lo lac d’Isavit. Lo monde de la valea, en seguir que volón bastir ua glèisa dab l’òssa deu monstre mes qu’estó destrusida per la ploja e la grelada.

Moisson Livide coma Boisson Divine que sembla doncas estacat a la transmission deu patrimòni immateriau de la region, atau  après “ Cama-Crusa ”, “ Los gats de l’Arromiu ” e “ Milharís ”  lo grop originari deu Gèrs que horneish au son panteon pirenenc “ La Sèrp d’Isavit ”.

Bona escota !

 

Posted in

Laissez un commentaire

Vous devez être connectés afin de publier un commentaire.