M’i an balhat un mariton

Guilhem

M’i an balhat un mariton

M’i an balhat un mariton
Es pas màger qu’un boton.
Me’n sui anada au marcat,
L’èi crompat un quart de drap,
Tricotèi
Marit èi
Atau com l’èi
Me’n servirèi.

Me’n sui anada au marcat,
L’èi crompat un quart de drap.
Li èi hèit cauças e porponh,
A la navèra faiçon,
Tricotèi, etc…

D’un petit arretalhon
L’èi hèit un bròi boneton.

D’ua agulha despuntada
L’èi hèit ua hòrt bèra espada.

Quan l’èi avut apelhat
L’èi pujat sus un limac.

Lo guinhèvi per davant
M’i semblèva un gròs sarjant.

Lo guinhèvi per darrèr
M’i semblèva un bèth arquèr.

Lo guinhèvi per costat
M’i semblèva un bròi sordat.

Lo limac se m’es fachat
L’a gitat en un varat.

Lo defunt sablon