Mestièrs navèths qui recrutan
Actu' Joens
Dab la plaça totjorn mes grana deu numeric, la demanda en aqueth maine qu’ei importanta. Per exemple :
– Traffic manager: qu’ei ua mescla enter la comunicacion e l’informatica; lo son objectiu : balhar visibilitat au(s) site(s), aumentar lo trafic suu Net e lo montant d’operacions [chiffre d’affaires], programar e animar las campanhas publicitàrias. Nivèu bac+3
– Data scientist: qu’ei un especialista deu tractament de las dadas; qu’amassa los millions de dadas (data miner) que crea e administra las basas de dadas (data analyst) e qu’interprèta aqueras dadas en emplegar o inventar modèles matematics (data scientist). Nivèu bac+5
– Geomatician: Que crea e administra las basas de dadas qui emplegan mapas, imatges aerianas o satellits. Nivèu Master.
– Data journalist: qu’ei un especialista qui s’aucupa de las informacions que pòden automatizar coma la meteo, lo cors de la Borsa, los resultats esportius…
– Educator de robòts: que paramètra ua maquina o un algoritme entà realizar ua accion o enregistrar informacions, que pertòca tan los objèctes connectats a casa coma los de l’enterpresa.
Hòra lo maine numeric, d’autes sectors que creishen coma la santat, las RH, la Distribucion o lo tractament de las deishas [déchets]. Atau, lo rudològue (de rudus en latin = escombres) qu’ei un especialista qui estudia las nostas dèishas (quantitats, qualitats), la pollucion sus l’environament, e que perpausa solucions tà las redusir o las tractar.
Ligams: