Los sendèrs deus escolièrs

Guilhem

Los sendèrs deus escolièrs

Ger qu’anèi sol peus endrets familhèrs
On d’autes còps e passavi tot dròlle
Per los sendèrs aimats deus escolièrs
Qui son tostemps parièrs, quan tot cambia.
Las beròjas flors plapan los estrems
E los ausèths qu’an medishas cantas
Los ahraguèrs tanben com deu men temps
Qu’an eslorit sus tèrras vacantas

De casa a l’escòla deu saber
Caminar e pujar lo candau
Peu sendèr tot dret shens nat cutorn
De matin a la bona òra

Tot qu’ei parièr mes aciu au virat
Jo ne vi pas la raubeta aimada
Lo devantau roge tan desirat
Mia amiga se n’èra anada.
La trobèi peus sendèrs eslorits
Un matin de la canta aimada
Qu’anèm sovent entà har lo boquet
Cuélher las flors e minjar l’ahraga

Apréner apréner enqüèra
E mei tard retrobar lo sendèr
Mes en devarant quin aisidèr
En pensar a l’arcuelh de casa

Paraulas : Andrèu Baudòrre (coplets) e Andrèu Cerisèra (arrepics)
Melodia : Jolie Meunière