Los piromètres

Guilhem

Los piromètres

Presentacion deus piromètres

Los piromètres que son aparelhs perfèits qui an per foncion la mesura dab precision de las radiacions a distància shens contacte dab l’objècte. Ne’us cau pas confóner dab los termomètres. Mercés au son mecanisme optic, lo piromètre qu’ei un utís segur tà mesurar dab ua precision grana la temperatura.

Las mesuras shens contacte

Entà mesurar temperaturas hèra importantas, (metallurgia, honderias, veirerias, etc.), qu’utilizan piromètres optics o piromètres infra-roges qui mesuran l’energia emetuda per l’infra-roge.

Lo piromètre monocromatic, tanben aperat piromètre espectrau, que mesura l’energia radiativa a ua longor d’onda (en realitat ua benda espectrau mei o mensh estreta). Au miei d’aqueths modèles que’s tròban sistèmas portables hèra basics e tanben instruments sofisticats dab sistèma de mira, foncion de memorizacion o de PID. Fibras opticas, puntaderas lasèr, sistèmas d’en.hrediment, de proteccion o de escàner que pòden completar la configuracion. Que’s tròban tanben instruments integrant ua camera video qui permet la visualizacion de l’objècte despuish ua sala de contròle. A cada aplicacion que correspon un sistèma de mesura e que calerà particularament interrogà’s sus la causida deu detectader, la gama de temperatura, las opticas, lo temps de responsa e l’emissivitat.

Lo piromètre bicolòr, a quocient o bicromatic que tribalha a duas longors d’onda. L’estat de la susfàcia que pòt modificar l’emissivitat e donc la precision de la mesura. Aquò qu’ei tanben vertat tà tots los obstacles presents suu trajècte optic. Ua manièra de s’afranquir en partida d’aquestes inconvenients qu’ei de mesurar la temperatura simultaneament a duas longors d’onda e de’n tirar lo rapòrt d’intensitat.

Piromètre infra-roge

Los piromètres infra-roges que son sustot utilizats tà las aplicacions en las quaus ei impossible d’utilizar captaders tradicionaus. Qu’ei lo cas taus objèctes en movement o taus endrets on ua mesura shens contacte es requesida pr’amor de pollucions possiblas o d’autas influéncias negativas. Que’s pòt trobar ua varietat grana de piromètres portables. De segur, entà plan utilizar aqueths dispositius, qu’ei important de conéisher los concèptes de basa d’aqueth domeni de mesura. Los piromètres que pòden estar calibrats segon la nòrma ISO 9000 (hòra lo PCE-880 e lo PCE-888).

Mesura de temperatura

Los piromètres infra-roges que permeten de mesurar temperaturas superioras a 200°C subertot en industria per exemple dens la metallurgia, honderias, veirerias, etc. En aquera situacion, dens l’industria, que s’utilizan tanben los piromètres optics.

Condicions de causida d’un captader

La causida d’un captader qu’ei foncion de l’aplicacion soa qui se partatja en tres partidas :
las condicions ambientas ;
los escarts de temperaturas ;
la precision de la mesura esperada.

Pirometria

Piromètres monocromatics

Aptes a resòlver las aplicacions correntas, aqueths instruments qu’an ua responsa espectrau causida dens ua benda espectrau optimizada qui permet, segon los cas :
de minimizar las reflexions parasitas ;
de mirar materiaus transparents a l’uelh, mes pas dens quauquas regions de l’infra-roge (veire, matèrias plasticas) ;
de mesurar la temperatura d’ua susfàcia capvath ua eslama.

Piromètres bicolòrs

Aqueths aparelhs qu’utilizan un detectader doble que respon dens duas bendas IR, çò qui permet de corregir automaticament variacions de poder emissiu.

Piromètres bicromatics

Equipats de dus filtres estrets, adjacents e distints, aqueths piromètres que pòden contentà’s d’un senhau IR hèra ateunat, per exemple dens los cas seguents :
emissivitat hèra febla ;
cibla hèra petita e instabla ;
mira capvath un ambient absorbent (hum, provas, vapor).

Definicion de l’emissivitat

La quantitat d’energia termica emetuda per un objècte n’ei pas solament foncion de la temperatura mes que depend tanben de la mestior era medisha.

Lo Rotland Castanhòs