Los isoloèrs

Florent

Adeishatz,

Que vatz bien, jo tanben.

 

Enguan, coma totas las annadas d’eleccion, lo climat qu’ei eth tanben capvirat! Que soi en trèn d’apicoar los pès de tomatas entà darrigar las maishantas èrbas, coma plau sovent. Per contra las tomatas que maduran mau. Que mancan de calor.

Que cau que vos raconti ua istoèra. Sabètz pas? Que vos at disen pas tot.

La setmana avant las eleccions, qu’èi trobat mossur lo mèra d’Artigadiu. Qu’èra desesperat. Los isoloèrs de la meria qu’avèvan disparéishut!

Coma lo men casau ei en faça de la meria, que pensava qu’avèvi benlèu vist quaucom d’anormau.

Jo, coma soi sord e qu’èi ua maishanta vista, me soi pas gausat avançar. Qu’èi pas dit arren.

Quauques jorns mès tard, coma cada an ad aquera sason, soi anat camparolejar au bòsc deu Turc a Labejan. E, de sigur, dens lo bòsc, qu’èi mos endrets. Que vau on los autes ne van pas. Qu’an paur de las arromècs e de las ortigas. Jo, quan sortishi d’aquiu, que me reconéguen pas. Que soi esgarraupiat deu cap aus pès. Mèma un sanglièr i passeré pas!

Mès, bon. Qu’es atau. Qu’èri en trèn d’amassar quauques beròis ceps negres, lo sacòt n’anava pas estar pro gran, quand m’arrestèi còp sec.

Digun me va pas créser ! Que soi caijut nas e nas dambe un fòtòmatòn (sabètz, coma los que trobavan dans los supermarcats entà prénguer las fòtos d’identitat)

Qu’èi viste realizat qu’èra pas que l’isoloèr de la mèria caperat de heuguèras. Un bèth estujòc entà’us braconièrs!

Coma tot lo rèsta, banlèu, n’auràm pas mes besonh de nos desplaçar entà anar votar. Qu’at heràm sur internet.

Los caçaires de sanglièr qu’an prés avança. Qu’an déjà reciclat los isoloèrs!