Los guants contra los risques quimics

Guilhem

Los guants contra los risques quimics

Los guants de proteccion quimica que son caracterizats per la lor :
fòrma : que pòden aver longors de mangetas diferentas entà assegurar la miélher proteccion possibla ;
matèria : que son constituits de matèria plastica, diferenta segon lo produit a manejar ;
espessor : l’espessor deu guant qu’influencia dirèctament lo temps de tienguda dret a dret deu produit.

Diferents tipes de guants

Que distinguim dus tipes de guants :
los guants de usatge unic : que son suberprims, chic resistents quimicament, qu’emparan los esclacs de produits chic dangerós ;
los guants reütilizaders : que son mei espés e qu’auhereishen ua vertadèra proteccion entà manejar produits quimics.

Lo maine de las proteccions deus guants qu’ei indicat per pictogramas diferents, qui son :
risques quimics ;
micro-organismes ;
risques mecanics.

Aqueths pictogramas qu’apareishen sus lo guant dirèctament o sus condicionaments.

Analisi deus risques e constrentas de utilizacion

Abans de causir los sons guants, que cau analisar :
los risques aus quaus e seram acarats. Los risques que pòden estar non solament de origina quimica mes tanben de origina mecanica (pic, tust), termica (shisclada de liquide caut) e electrica ;
las constrentas deu tribalh a har (avalorar la durada de pòrt deus guants, tipe de proteccion en.hortida se necessari).

Causida deus guants benparats

Un guant benparat aus risques e a las constrentas analisats que deu aver las proprietats seguentas :
estar confortable (briga espés, de bona pagèra) ;
estar en bon estat ;
estar resistent aus produits emplegats.

___________________Latex Nitrile Neoprèn PVC Butile PVA Fluorats
Acides ——————X——-X——-X—X———-X
Aldeïdes ————————————X———-X
Alcoòls —————–X——————-X———-X
Cetonas ————————————-X
Olis e untamis ———-X——————————X
Idrocarburs ————-X————————–X—X
Solvents aromatics ———————————X—X
Solvents clorats ———————————–X—X
Solucions aquosas -X—–X——-X——-X—X———-X

Utilizacion e manteniment deus guants

Entà evitar la contaminacion de la pèth :
utilizar los guants prevists entà lo tribalh a har ;
passà’s los guants sus las mans netas e eishugas ;
cambiar los guants soventes còps ;
lavar-se las mans après la retirada deus guants ;
guardà’s de’s tocar las partidas deu còs (mei que mei genitaus) dab guants ensalopits.

Entau manteniment deus guants, lavar los guants reütilizaders en tot arrespectar las recomandacions deu fabricant (aiga e sabon sonque entà los guants en PVA).

Lo Francís Marca