Los Cantaires Biarnés

Guilhem

Los Cantaires Biarnés

Tanlèu que la prima punteja
Quan pareish lòlas peus sendèrs
Tanlèu com lo pinçan gorgueja
Entà cantar nosautes qu’èm pres.
Que cantam la huelha navèra
De l’aubre qui va verdejar
Lo nid qu’ua ròsa e capèra
O hens la bruisha e’s va estujar.

Deu beròi pèis qu’èm los cantaires
Deu beròi pèis banhat de só
Com los auserons musicaires
Tostemps qu’avem quauqua cançon.

Qu’aimam las beròjas mainadas
Qui tanlèu com torna lo doç
Se’n van per los camps per las pradas
Pèdescauças capvath l’arrós.
Qu’aimam las bèras hejadoras
Dab los braç nuds los peus au vent
E las gaimantas segadoras
Qui’s hèn coronas de hroment.

Deu beròi pèis qu’èm los cantaires
Deu beròi pèis banhat de só
Com los auserons musicaires
Tostemps qu’avem quauqua cançon.

Qu’aimam quan l’arrasim madura
Sus bocas hèitas taus potons
Esglachar la fresca mascadura
Deus picapoths deus mansengs ros.
Quan lo borret peus trolhs e chorra
Lavetz lo veire tostemps plen
Nosta canta jamei amorra
Dura deu matin dinc au ser.

Paraulas : Andrèu Baudòrre
Musica : L’Etoile des Troubadours