L’ors polar

ors-polar.jpg

Leà

Lo 27 de heurèr, qu’ei la Jornada internacionau de l’ors polar. Que permet d’atirar l’atencion sus la proteccion d’aqueth animau mitic.

L’ors polar

Los ors polars qu’èran 30 000 au sègle XIXau mès qu’èran hòrt caçats. A la mieitat deu sègle XXau, qu’èran sonque 10 000. En 1973, los país tocats que signèn lo Tractat de conservacion de l’ors polar. Los ors polars que son haut o baish 20 000 e lo lor nombre qui contunha de créisher aquestas annadas mercés aus programas de proteccion metuts en plaça per diferentas organizacions.

Lo son nom scientific qu’ei Ursus maritimus. Que viu dens l’Artic, ua susfàcia qui hè 50 còps França e dont la mieitat ei un ocean glaciau. Las hémias [femelles] qu’an en mejana dus orsons cada dus ans. Mes en generau, un sol que suberviu: a maugrat de la loa pèth e la loa perissa [fourrure], que’us ei dificile de subervíver per -50°C.

Subervíver

Los ors polars que viven un vintenat d’annadas e que minjan sustot fòcas (90% de la loa neuritud). Que son victimas de la caça, de la pollucion de las aigas e de l’aire, sustot la deu plomb (pr’amor d’aquò, 8 a 10% que son esteriles), de la honuda de la banquisa. Las fòcas, qui constitueishen la lor neuritud a 90 %. Que minjan tanben òrcas, e mei que’s son botats a caçar lo rèn.

 

Posted in

Laissez un commentaire

Vous devez être connectés afin de publier un commentaire.