Lo tornar de Baby Yoda

info@littleguydigital.com

Baby Yoda qu’ei l’estar* de la seria The Mandalorian, dont la sason dusau èra sus Disney+ d’octobre a deceme de 2020.

De segur, que sembla a Yoda, lo mèste Jedi, mes n’ei pas Yoda. D’alhurs que s’apèra Grogu. Jon Favreau, lo realizator d’Iron Man qu’a imaginat lo personatge, dab un prètzhèit* : descobrir ua raça misteriosa, desconeishuda, la sua soca*, lo son planeta, etc.

Lo poder de Baby Yoda

Lo mainat, o meslèu lo nenet, qu’a 50 ans e un gran poder, la Fòrça. De mes, qu’ei protegit per Lo Mando, un òme guerrièr. Lo son nom qu’ei Din Djarin, lo Mandalorian (Mando tà hèr brac) pr’amor qu’estó adoptat peus mandalorians.

Baby Yoda un animatronic de 5 milions d’euros

Baby Yoda qu’ei un animatronic, qu’ei a díser ua animacion electronica, ua marioleta* robotizada. Legacy Effects que l’a creat per 5 milions d’euros. Un tecnician que conta-ròtla los uelhs, un aute la boca e las expressions de la cara.

Mathew Wood, de Lucasfilm, qu’a inventat la sua votz en tot mesclar votz de nenets, de vops*, de kinkajos (animaus tropicaus)… e la votz d’un collèga, Dave Acord.

 

 

 

Chopinon lo Baby Yoda, non ?

 

E la sason tresau ?

La tresau sason qu’ei prevista per la debuta de 2022. Lo tornatge qu’ei començat a Los Angeles. Ne sabem pas arren de l’istòria ni deus personatges. Mès sabem Dysney que prepara autes programes ligats a l’univèrs de Star Wars, coma The Bad Batch difusat desempuish lo 4 de mai, The Book of Boba Fett que serà difusat en deceme (?), Andor o Obi-Wan Kenobi en 2022.

Lucàs

Lexic:

estar : star

marioleta – mariòta – monaqueta : marionnette

prètzhèit – objectiu : objectif

soca : origine

vop – renard – rainard : renard