Lo Quartièr Arabe

Guilhem

Lo Quartièr Arabe

(Laurenç) Hèra de bòrdas qu’emplegavan vailets. Qu’èran sovent còishes de l’Assisténcia Publica.
Qu’èran arribats joenòts dens las maisons. Poquet, qui estó ensenhat ací, quan avè quauquas annadas de mei que jo, que lo considerèi tostemps com lo men frair. Vasut adulte, que tribalhava a miei temps ací e a miei temps au Guiret.
Quitament quan estó maridat, que contunhava d’aperar la soa maison adoptiva : « a noste ».

Practicament dens cada maison, qu’i avè un vailet, un par de bueus e un par de braus entau renovelament.
Quan crompèm lo Pony, que remplacèm los bueus per duas vacas de tribalh tà har las bricòlas e sustot passar lo milhòc.

(Maria) Qu’èra lo men tribalh, passar los milhòcs dab las vacas. Alfrèd Lagabarra que se me n’arrisè. Que disèva :
« Aqueras tres bimas, com se n’avienen de plan ! »

Lo quartièr ací, que l’aperàvam « lo quartièr arabe » pr’amor qu’èram mantuas hemnas a tribalhar aus camps. Que’s disèva quitament a Boast, segurament pr’amor deu Janòt qui èra factor. Que nos vesè a tribalhar dens los camps e qu’estó benlhèu eth l’inventor de l’apellacion « lo quartièr arabe ».

Tèxte : la Maria & lo Laurenç Gracianetas
Arrevirada : lo Joan Pau Descòrbs Moniqués