Lo brut au tribalh
Guilhem
Lo brut au tribalh
Definicion
Que parlam de brut quan un ensemble de sons e son percebuts com empachaires. Aquò que’n hè ua nocion subjectiva : lo medish son que pòt estar utile, agradiu o empachaire segon qui l’enten e a quin moment (la hèsta en çò deus vesins qu’ei percebuda diferentament segon qu’èm estats previenuts o pas). Passat un cèrt limit (nivèu sonòr hèra haut) tots los sons que son empachaires e lhèu dangerós.
Au nivèu fisiologic
Los sons que son percebuts per l’aurelha de la quau las tres partidas e son d’inegau importància, e transmetuts au cervèth per l’inflús nerviós. La zòna auditiva deu còrtex qu’interprèta lo senhau recebut.
Au nivèu deu brut
Que mesuram fisicament lo nivèu deu brut en decibèls. Entà préner en compte lo nivèu vertadèrament percebut per l’aurelha, qu’utilizam un decibèl « fisiologic » nomat decibèl A, deu quau l’abreviacion qu’ei dB(A) :
0 dB(A) brut lo mei feble qu’ua aurelha (umana) pòt percéber ;
50 dB(A) nivèu abituau de conversacion ;
85 dB(A) solar de nocivitat (entà ua exposicion de 8 oras per dia) ;
120 dB(A) brut provocant ua sensacion dolorosa – martèth picader per exemple.
Las mesuras que’s hèn principaument dab l’ajuda de sonomètres.
En l’abséncia de sonomètre, que podem estimar que :
si cau hauçar la votz tà parlar, lo nivèu qu’ei haut ;
si cau cridar, lo nivèu qu’ei superior a 85 dB(A).
Los sons que son vibracions de l’aire qui’s propagan en ondas acosticas. Que son definits per la lor frequéncia, exprimida en hertz (Hz) e per la lor intensitat mesurada en decibèls (dB).
Variacions rapidas = frequéncia hauta = son agut.
Variacions lentas = frequéncia febla = son grave :
20 000 Hz ultrason.
Reïteracion deus temps limits d’exposicion tà nivèus sonòrs balhats.
Durada maximau d’exposicion au brut.
Nivèu sonòr en db(A) Durada d’exposicion maximau
85 8 oras
88 4 oras
91 2 oras
94 1 ora
97 30 minutas
100 15 minutas
103 7 minutas e 30 segondas
106 3 minutas e 15 segondas
109 1 minuta e 42 segondas
112 51 segondas
116 25 segondas
119 12 segondas
122 6 segondas
Contèxte reglamentari :
la prevencion deus risques professionaus que s’empara sus ua camada de la quau los pincipis generaus son dictats per lo còde deu tribalh (article L. 4121-2) ;
la surditat professionau qu’ei reconeishuda desempuish lo decret deu 10 d’abriu de 1963 com ua « malaudia professionau » ;
despuish l’arrestat deu 30 de deceme de 1999, organismes que son acceptats tà har lo mesurar de l’exposicion au brut en demiei de tribalh ;
la reglamentacion en la matèria, qu’a recentament evoluat dab la transcripcion de la directiva europèa 2003/10/CE per lo decret n°2006-892 deu 19 de julhet de 2006, que s’articula a l’entorn de 3 principaus axes.
Lo Miquèu Edoard Curmer