L’espaci, qu’ei aquò

Actu' Joens

L’espaci, qu’ei aquò

L’espaci qu’ei un manca infinit de rumor
Las estelas que parlan mès ne s’enténen pas
Que’ns hèn senhaus mès ne’s véden pas
Perdudas en aqueth larèr infinit

L’espaci, se diré palhetas
En un gran hons unit e escur
Que lugrejan shens ne jamès s’arrestar
Qui n’a pas saunejat d’i viatjar?

L’espaci qu’ei com ua bruma desconeguda
Era de la vita dens aquera estenuda misteriosa
N’enteni pas arren
Que’m senteishi coma ua ahromiga sus Tèrra

Las estelas que’ns espian dab curiosèr
Vertadèras divessas luminosas deth cèu
Jo que volerí tot saber d’eras…

Rémy Partimbene, Romane Castaing, Margot Beyries, Antonin Bajol e Maialen Saludas,
Collège de Tornai, 3au

Tèxte premiat ath 30au concors bigordan d’expression gascona
Despartament deras Hautas-Pireneas