Las nautats de la rentrada 2023

rentrada-escolara-2023.jpg

Actu' Joens

Aquesta rentrada 2023 que ved quauques parrabasts [chamboulements] deus bèths. Espròvas d’especialitats deu bac desplaçadas en junh, tornar de las matematicas dens lo tronc comun en prumèra, remplaçaments deus ensenhaires absents, defensa de las abayas…

Ací qu’avetz quauques exemples qui muishan los cambiaments dens las disciplinas fondamentaus.

Lo programa de francés mei leugèr e mei pregond

Lo nombre de tèxtes deu programa de francés entà las espròvas oraus que serà tornat de 20 a 16 entà los apregondir mélher e los preparar mélher.

Las matematicas ahortidas

L’ensenhament de las matematicas que torna vàder obligatòri en prumèra, entà tots los liceans deu camin generau. Autanlèu seteme, los qui n’an pas pres l’especialitat matematicas qu’auràn ua òra e mieja de cors en mei per setmana consacrada ad aquera disciplina.

L’òra de sostien

Aquesta annada, ua òra per setmana d’ahortiment o d’apregondiment en francés o en matematicas que serà metuda en plaça en sheisau.

De mei, lo dispositiu “devers hèits” que permeterà aus escolans de har los lors devers au collègi. Que serà obligatòri en sheisau.

Los licèus professionaus

Los escolans de licèu professionau que van ganhar drin de moneda pendent los periòdes en enterpresa, dinc adara non remuneradas.

Los sabers fondamentaus ahortits en primari

Los mainats tanben qu’an la loa garba de modificacions.

En CP, cada dia, duas òras que seràn consacradas a l’aprendissatge e la practica de la lectura.

En CM1, los qui an dificultats en lectura que beneficiaràn d’ua practica quotidiana ahortida, dab lectura de tèxtes longs.

En CM2, los escolans que deuràn produsir au mensh un tèxte escrivut cada setmana.

De mei, navèras avaloracions nacionaus que seràn organizadas en francés e en matematicas entaus escolans de CM1 e de quatau, entà trobar e ajudar los escolans en dificultat.

 

Posted in

Laissez un commentaire

Vous devez être connectés afin de publier un commentaire.