Las fòtos de James Webb
Leà
Lo James Webb Space Telescope (JWST) qu’ei un telescòpi desvolopat per la NASA, l’ESA (Agéncia Spaciau Européana) e l’ASC (Agéncia Spaciau Canadiana) e lançat lo 25 de deceme de 2021. Que succedís au telescòpi Hubble, lançat en 1990.
JWST qu’obsèrva sustot l’infraroi (longors d’ondas de 0,6 a 28 µm).
La NASA qu’a difusat los prumèrs images en julhet de 2022. Que son hòrt clars. Lo prumèr que muisha la galaxia SMACS 0723, a mes de 5 miliards d’annadas lutz de nosautes.
Los quate que seguissen que son enqüèra mes intéressants. Citem :
Lo « quintet de Stephan » que muisha cinc galaxias pròchas e en interaccion las uas dab las autas. Lucie Leboulleux, cercaira a l’Institut de Planetologia e d’Astrofisica de Grenòble (IPAG) e especialista d’imageria, que precisa : « que pensam l’univèrs joen qu’éra compausat de grops compacts com aqueth »
La « nebulosa de La Carène », sonque a 7600 annadas lutz que muisha la formacion d’ua estela. Quaucom que digun n’avèva vist dab tant de clartat.