L’ahromic e lo pinçan

Guilhem

L’ahromic e lo pinçan

L’ahromic e lo pinçan
Volèn har ua hèsta doman.
Quan an avut hèit l’envit,
N’avèn p’arren d’acasit.
Cau dançar,
Landigondiga,
Cau sautar
Landigondà.
Prauba hèsta nos haram :
Briga de pan e nos ne n’am.
Lo gai ven de Mamisan
Dab tres quintaus de pan blanc.

Prauba hèsta nos haram,

Briga de vianda e nos ne n’am.
Lo lop ven e de Luc Long,
Dab un bèth par de mautons.

Briga de vin e nos ne n’am,
L’agaça ven de Belin
Dab un barricòt de vin.

Briga de linge e nos ne n’am.
L’aranha sòrt deu horat
Dab ua toalha suu cap.

Nat virabròca e nos en n’am.
Lo chirp sòrt de dehens la hòcha :
― Sui ací lo virabròca.

Nada nòvia nos ne n’am.
Lo cocut ven d’Argelosa
Dab lo lheit e mei l’esposa.

E nat nòvi nos ne n’am :
L’esparvèr ven de Gelós
Dab un bèth pitòc d’espós.

Nada donzèla nos ne n’am.
Lo piutç sòrt e deu linçòu,
Hèi tres sauts per dessús lo sòu.

Nat donzèl e nos ne n’am.
Lo pedolh sòrt deu pedaç
Gaha lo piutç per devath lo braç.

Nat sonaire e nos ne n’am.
L’arratòt sòrt deu palhèr,
Dab un tamboriòt au pè.

Se m’i víratz lo minon,
Jo v’i harèi un bròi som.
Lo gat n’èra suu vaisherèr
Sauta au còth au tamborièr.
Cau, etc…

Corretz ! corretz ! bravas gents
Lo gat m’i tèn dab las dents,
Que m’i hèi cracar los òs
M’i ‘spessica tot a tròç.
Cau, etc…

Lo defunt sablon