La SF militara e la Defensa Nacionau
Leà
Desempuish l’estiu de 2019, lo Ministèri de las Armadas qu’a aviat un exercici: la Red Team Defense. Qu’an retengut l’Universitat París Sciéncias & Letras tad aqueste projècte. Lo prètzhèit : imaginar miaças en 2030-2060 entà davantejar [anticiper] los risques tecnologics, economics, societaus e environamentaus.
Ua equipa qu’a escriut les dus prumèrs scripts : Virgine Touray, autora de roman policièr, Laurent Genefort e Romain Lucazeau, autors de space opera, Xavier Dorison, scenarista de BD, Xavier Mauméjean, autor de roman, François Schuiten, dessenhaire, e Jeanne Bregeon, designer.
Los scripts que son sortits aquesta annada, lo 8 de julhet de 2021.
Chronique d’une mort culturelle annoncée
safe sphere – redteamdefense.org
La prumèra sason qu’ei entitolada Chronique d’une mort culturelle annoncée. En un futur pròche, las gents qu’emplegan safe spheres [esfèras seguras]. Atau, qu’adaptan la lor percepcion deu monde e que pòden víver en realitats alternativas. En 2040, 90% deus europèus qu’i son conectats e ne viven pas mes de realitat partajada.
Quan, en 2045, un aigat [inondation] centenari e ua ataca bioterrorista miaçan [menacent] Grande-City. L’armada francesa que deu secorrir los sons 20 000 ciutadans mès cadun a sa percepcion e qu’escambia news e fake news. Los uns non vòlen pas evacuar, los autes non vòlen pas recéber las populacions que poirén estar infectadas. L’armada qu’a ua mission : securizar lo reau. Mès coma redusir la fòrça de las safe spheres o desactivar las mes virulentas?
La Sublime Porte s’ouvre à nouveau
Ipercasteràs de Dionisopòlis – redteamdefense.org
La sason dusau, La Sublime Porte s’ouvre à nouveau, que parla de las consequéncias d’ua revolucion tecnologica dens las practicas de la guèrra.
Ua junta nacionalista troiana [troyenne] que gaha lo poder e que vòu esténer la sua influéncia a las ciutats vesias. Aquestas que construsisson ipercasteràs [hyperforteresses] tà combàter las armas ipervelòças deus enemics. Lo conflicte que s’esperlonga [s’éternise]. Ciberatacas, sabotatges… Un jorn, ua vielha arma nucleara que pèta dens l’atmosfèra…
Que pòts legir los scenaris aciu : https://redteamdefense.org/