La recèpta de la torta deus Pirenèus

Guilhem

La recèpta de la torta deus Pirenèus

Ingredients

Haria 200 g
Podra entà lhevar 1 borseta
Bóder 120 g
Sucre 150 g
Ueus 3
Vielh ròm 3 culheradas a sopa
Teca de vanilha 1
Avanhons 150 g

Realizacion

Passar dab bóder escalancit un motle per briòcha e lo hicar dens lo refrigerator.
Precauhar lo horn a 180°C.
Mesclatz los mujòus, lo sucre, las granas de la vanilha e lo ròm dinc a obtiéner ua mescla blanca e gramosa. Ajustatz apuish lo bóder honut puish la haria, en hoetar a contunhar.
Batetz los blancs deus ueus en nèu e incorporatz-los delicatament. Finitz dab los avanhons.
Barrejatz la pasta dens lo motle e hètz còser de cap a 45 minutas.
Verificatz la cueita dab la punta d’un cotèth.
Desmotlatz e deishatz en.hredir abans de saptar.

(jo que l’èi hèita quan n’aví pas avanhons, dab cranberries. Que las dèishi trempar dens lo ròm quauquas òras, que las hèi esgotar e que las en.harii, mes ne son pas fruts gascons… perdon, qu’es un sacrilegiòt de gormand).

Recèpta trobada dens Pirenèus Magazine n°180.