La Passem dens lo Gèrs dab Boisson Divine

Capture-decran-2024-05-01-112823-BD-.png

Matilda

Augan, la corruda de La Passem que passa peu Gèrs, qu’èi demandat a Adrian Gilles lo batedor deu grop Boisson Divine de ns’explicar aqueste eveniment deu lor punt de vista e la sua importància per eths :

E’t pòdes presentar viste hèit ? 

Que soi l’Adrian deu grop Boisson Divine. Que soi de Riscla, on avem lo plaser augan d’estar sus l’itinerari de La Passem.

E’ns pòdes presentar La Passem en quauques mots ? 

La Passem qu’ei ua corruda relaish capvath Gasconha on lo ligam de la lenga e’s transmet de man en man.

 Perqué ei important per tu e peu grop qu’arrepresentas de participar a un eveniment coma aqueste?

Plan segur, aqueste tipe d’eveniment qu’ei hòrt important tà nosauts. Tot simplament pr’amor que s’inscriu dens ua demarcha que sostienguèm completament. La transmission, de mei dens l’encastre d’un eveniment qui podem qualificar « d’esportiu » qu’ei ua idea qui ns’agrada hòrt.

Sheis ans a, Boisson Divine qu’avèva hèit partida de las associacions qui crompèn un kilòmetre, ei un aute biais per vos de participar e d’assegurar la transmission de lenga? 

Evidentament ! De mei augan la corruda que passa quasi a noste, doncas plan segur n’avem pas mancat de s’i tornar. Qu’ei important tà nosauts de sostiénguer per tots los mejans possibles aquestas iniciativas.

Augan la corruda que passa per vòste, e seratz en tant que grop de la partida? 

Deu còp, òc, coma ac èi dit mei haut, la corruda que passa a domicile, pendent la nueit. Que vam córrer e dilhèu auràm l’escadença de portar nosauts aqueste magnific ligam !

 Un darrèr messatge abans l’aviada de la corruda?

Que pensi que lo hòrt beròi clip oficiau de La Passem 2024 disponible sus Youtube qu’ei lo mei bon messatge qui sia : «  Quiòc, qu’ei lo temps de La Passem, correm ! »

Posted in ,

Laissez un commentaire

Vous devez être connectés afin de publier un commentaire.