La halha de Nadau

Halha.jpg

Guilhem

E voletz saber çò qu’ei la halha de Nadau?

La halha de Nadau, ua tradicion anciana

La halha de Nadau qu’ei ua anciana tradicion de Gasconha, dens lo Bearn, las Lanas e mei que mei en Shalòssa, qui existeish enqüèra uei lo dia.
Lo 24 de Deceme, un huec rituau de sègas e de tarossèrs, qu’ei alucat per los poblants deu vilatge. Lo monde que cantan cançons tradicionaus a l’entorn deu huec.
Au començament, probable, los ancians pòbles que hestejavan lo solstici d’ivèrn, lo huec qu’èra ua proteccion entà las cotivas e lo bestiar. Puish que serviva tanben tà renviar lops-garons e posoèrs e purificar tots los chepics de l’annada.
Ne soi pas segura que los darrèrs huecs estón eficaç contra la Covid-19au !
Totun, despuish 2010 aquesta tradicion qu’ei inscrivuda a l’Inventari deu patrimòni culturau immateriau.

La halha de Nadau, quauques rituaus

Costumas tradicionaus practicadas sonque en Gasconha sustot hens las Lanas
Deus huecs rituaus alucats lo deu solstici d’ivèrn, la velha de Nadau, hens cada casa lo mèstre entornejat de la soa familha que dan lo torn de la proprietat dab ua halha alucada dens la man.
Sovent que cantan cantas a vertut incantatòria entà har huéger los sorcièrs e que s’asseguran de las bonas crubadas.
La halha de Nadau
Lo pòrc a la sau
La pora au topin
Coratge vesin

Francesa Lesvaths

La halha de Nadau, mercés Internet

La halha de Nadau qu’ei ua tradicion de l’Aquitània.
Lo ser de Nadau, que’s ditz que calè har brutlar ua halha e los huecs en hautor que muishavan aus Reis magues lo camin dinc au brèç deu Crist.
Lo mèste de cada maison, ua halha alucada a la man, seguit de la soa familha que hasèn lo torn de la proprietat. Que hasè escapar las hadas e los maishants esperits. Que favoriza las bonas recòltas.

Uei, qu’ei un divertiment
La velha de Nadau, lo mèste de l’ostau qu’apiela lenha, sègas, tot çò de sec e qui ne sèrv pas mei, tot çò qui brutla.
Lo ser qu’aluca lo huec. Familha, amics, vesins tots los invitats que pòden dançar, cantar, sautar pendent que las eslamas que tòcan las estelas.

Benlhèu, adara, lo pair Nadau que l’agradan totas aqueras lutz entà lo son viatge de nueit !

Mercés Internet, qu’èi potzat hèras d’ideas.

La halha de Nadau de 2020

Augan, qu’èi preparat ua halha dab lenha, brancas e husta.
Au parat d’ua serada shens ploja, que i èi hicat lo huec.
A l’entrada de la nueit, las eslamas qu’an esclairat lo casau ua bèra pausa.
Aquò, que m’a hèit pensar au men pairbon que amassa, quan èri petit, alucàvam la halha de la Sent Joan sus lo som de la nosta tucòla au davant de los Pirenèus.

Halha de Nadau, poemiòt

Que hasoi la halha de Nadau, començament deceme pr’amor los meteorològues qu’anoncièn maishant temps ; hèra de ploja.
Qu’èi hèit brutlar dèishas de plèishs.
Qu’aluquèi lo huec lo matin quan lo vent n’èra pas hòrt
Qu’i damorèi tot lo matin entà susvelhar.
Ne sautèi pas a travèrs

Posted in

1 commentaire

  1. Guilhem le 27/02/2023 à 19:09

    L’autora que’s hè Elisabèt Sherpa.

Laissez un commentaire

Vous devez être connectés afin de publier un commentaire.