La garbura

Guilhem

La garbura

Hens un topin en tèrra o ua coquèla en fonta, daurar los greisherons de ventresca (hampeta).
Quan sian color averan, hornitz los legumes tà crampí’s quinze minutas a huec doç en tornejar sovent.
Molhar dab quate litres d’aiga.
Ajustar (hornir) lo talon de cambajon e lo trebuc (confit).
Salar un pòc, peberar.
Aprigar (cobrir) pendent (durant) duas òras e mieja de lent còser.
Quinze minutas abans de servir, ajustar confit d’auca, de guit o de pòrc : be harà un plat sancèr (complet).