La comptina deu Sent-Nicolau

Nadau.webp

Guilhem

Un còp èran tres drolletòts
Se n’anavan passar au camp.
Tant son anats, tant son vienuts,
Que aqueth ser e’s son perduts.
Que son anats au carnissèr :
« E vorrés plan nos aubergar ? »

Un còp èran tres drolletòts
Qui n’anavan passar au camp.
N’èran pas tanlèu entrats
Que carnissèr e’us a tuats.
N’a hèit talhucs, que’us a hicats
Tots au salin com porciquets.

Un còp èran tres drolletòts
Qui n’anavan passar au camp.
Sent-Nicolau au cap d’ sèt ans
Que se’n vienó en aqueth camp.
Anè trucar au carnissèr :
« E vorrés plan jo m’aubergar ? »

Un còp èran tres drolletòts
Qui n’anavan passar au camp.
« Entratz, entratz, Sent-Nicolau,
Plaça que i a, ne’n manca pas ! »
N’èra pas tanlèu entrat
Qu’a demandat de qué sopar.

Un còp èran tres drolletòts
Qui n’anavan passar au camp.
« Deu bon salat, que voi aver
Que i a sèt ans qu’es au salin ! »
Quan carnissèr audí aquò
De soa casa que s’escapè.

Un còp èran tres drolletòts
Qui n’anavan passar au camp.
« Carnissèr ne t’escapis pas,
Que’t cau pendir, Diu passarà ! »
Sent-Nicolau s’anè seitar
Dessús lo bòrn d’aqueth salin.

Un còp èran tres drolletòts
Qui n’anavan passar au camp.
« Drolletòts qui dromitz aquí,
Que soi lo gran Sent-Nicolau. »
E lo Sent de téner tres dits,
Los drollets que’s lhevèn tots tres.

Un còp èran tres drolletòts
Qui n’anavan passar au camp.
Lo purmèr ditz : « Qu’èi plan dromit ! »
Lo segon ditz : « E jo tanben ! »
E lo tresau que responó :
« Jo que’m credèi au Paradis ! »

Honts : Aqueth conde qu’es tirat deu libe « Au hiu de la Bidosa » editat per l’Associacion « Bidaishe Cultura ».
La canta qu’es hèra mei vielha qu’aquò, e que me la soi arrevirada en gascon per la circonstancia.
M. B.

Posted in

Laissez un commentaire

Vous devez être connectés afin de publier un commentaire.