Joan de L’Ors – Escritura d’ua canta

Capture-decran-2023-08-15-150243.png

Matilda

Augan los 3aus opcion occitan deu collègi Pyrénées de Tarba qu’an escriut ua canta dab l’ajuda d’un autor-compositor-interprèta e de la loa professora.

Lo projècte aqueste qu’a començat au mes de heurèr, quan dab l’ajuda de la professora los eslhèves an escriut lo purmèr coplet qui ei estat mandat a Baptiste, l’artiste qui participa a l’escritura de la canta.

Puish après las vacanças d’ivèrn, lo cantaire qu’ei viengut tau collègi tres còps tà ajudar a l’escritura de la canta sus Joan de L’Ors. Qu’an causit aquesta legenda dab la professora pr’amor qu’ei la sola sus la quau non i aja pas nada cançon, atau los eslhèves de 3aus qu’an avut lo parat de crear ua canta e tanben de contribuar a la creacion contemporanèa occitana.

L’escritura de las paraulas que s’ei hèita dab Baptiste e dab la professora d’occitan. Los eslhèves qu’an tanben utilizat las atrunas deu Congrès tà desvolopar lo lor vocabulari.

En madeish temps, Emilia professora deu Conservatòri Henri Duparc qu’ei vienguda tà ensenhar aus collegians a cantar la loa creacion originau e ua creacion de Baptiste ” Hè-la passar “qui parla de la transmission de la lenga. Aquesta canta qu’a hèra agradat aus eslhèves pr’amor que muisha ua lenga vitèca  https://www.youtube.com/watch?v=GqqrY_Lqe-0

L’objectiu deu projècte aqueste qu’èra de dar l’escadença aus eslhèves de 3au deu collègi de har víver la lenga, tanben qu’an participat a la Hesteyade dé Bigorre au parat de ” Era Serada deths Gojats ” on an cantat las duas creacions davant ua collegiau conhida.

Après las vacanças d’abriu, los 3aus que son anats tà la Gespe tà enregistrar las duas cantas.

Aquiu devath un ligam tà anar escotar la maqueta hèita per Baptiste qui a permetut de tribalhar la canta

https://www.youtube.com/watch?v=L2qngxtS21E

Posted in

Laissez un commentaire

Vous devez être connectés afin de publier un commentaire.