Hau

Guilhem

Lo hai, hau, haget o hajòla

Un arbo qui pòt aténher 30 o 40 mètres. Ua cama dreta, circulara dab ua pèth tostemps lissa, de color grisa clara.
S’ei vadut solet la cima qu’ei estenuda dab granas brancas e la cama braca.
Hens lo bòsc, la cama qu’ei grana, shens brancas sus ua grana partida e dab ua cima conica estreta au cap.
Lo hau que balha ua beròja ombra qui ei bona entaus joens plants.
Que pòden víver cent cinquanta ans e quauques uns dinc a tres cents ans.
La husta de hau qu’ei un excellent combustible e que pòt aver hèras utilizacions en menuseria. Que pòt tanben servir tà har contraplacat hens l’industria deu desrotlatge.
Plantats a la faiçon deu carpe que pòden balhar de beròjas sègas densas e duradissas.

Lo Joan Guishòt & lo Claudi Sent Blancard & lo Gerard Daviaud