Gabriel Attal, Prumèr ministre

gabriel attal

A solament 34 ans, Gabriel Attal qu’ei nomentat Prumèr ministre lo 9 de genèr, entà succedir a Élisabeth Borne.

Lo Prumèr ministre mei joen de la Republica Vau

Joens au governament, que n’i a. Per exemple, en 1984, Laurent Fabius qu’estoc nomentat Prumèr ministre a 37 ans. Mès Gabriel Attal qu’ei enqüèra mes joen. Que cau díser qu’èra dejà lo membre mei joen d’un governament. En efèit, en 2018 – qu’a 29 ans – qu’estoc nomentat secretari d’Estat au près deu ministre de l’Educacion nacionau. Puish, en julhet de 2023, ministre de l’Educacion nacionau.

Qu’a jogat dens un filme

A l’atge de 9 ans, qu’explica que vòu vénguer actor (entervista França 3). E en 2008, mentre qu’ei enqüèra estudiant, que joga un petit ròtle de licean dens un filme de Christophe Honoré, La Belle Personne. Mès, fin finala, que va causir la politica.

Haut, que’s cau hicar au trabalh

Adara qu’ei cargat de «tornar armar» França: ne s’agís pas d’armament militar mès d’economia, d’industria, de tecnologia, e tanben d’armament civic. França qu’ei ua cultura, ua istòria, ua lenga, valors universaus que s’aprenen autanlèu mainat, ce ditz.

Posted in ,

Laissez un commentaire

Vous devez être connectés afin de publier un commentaire.