Conta’m

Actu' Joens

Conta’m qu’ei ua associacion lèi 1901 dont lo sièti ei a Nai (64). Lo lor objectiu qu’ei lo desvelopament deu paisatge audiovisuau bilingüe en lenga occitana. Que produseishen filmes. Qu’emplegan tots los mestièrs de l’audivisuau: comedians, grafistas, tecnicians deu son, autors, adaptators, etc.

Que vénen vidèos, que perpausan tanben projeccions au cinèma.

ÒC VOD qu’ei la prumèra platafòrma de vidèo a la demanda de filmes, serias, dessenhs animats e documentaris en occitan. Que n’i a entà tots: Trotet entaus nenès, Lo gran maishat renard entaus mainats, Lo Hussard sus lo teit o Terminator 2 entaus grans…

Que pòts logar o espiar en streaming lo filme causit pendent 48 òras. Interessant: que pòts començar la lectura deu filme pendent lo cargament.

Loís