Conderilhòts e istorietas 6

Guilhem

Qu’ei l’istòria d’un òmi qui’s cercava tribalh ende ganhà’s la vita. Qu’anava pertot, que trucava a totas las pòrtas, que’s prosejava dab la gent : en de balas. Totun, qu’arremarquè un hèit : lo monde que’s morivan.
Alavetz que decidí d’anar cuélher los morts on èran : a casa. Qu’i anè e qu’i tornè anar, de tant qu’estó aperat panamorts.
Teca. De segur, que contunhè a tribalhar. A hòrça, qu’avó mei anar mei de còs au funeràrium. Donc que comencè ad enterrà’us au segrat. Qu’i cavè e qu’i tornè cavar, tant qu’estó aperat plantamorts.
Drin a drin, lo segrat que’s pleè. Lèu, lo noste Pericon qu’estó obligat de trobar ua solucion. Tot sobte, qu’avó l’idea de brutlar los còs. Doncas que’us portè tau crematòrium. Que’us i cremè e que’us i tornè cremar, tant qu’estó aperat tòstamorts. E crat e crit qu’èi lo conte fenit, e crit e crat qu’èi lo conte acabat