Conderilhòts e istorietas 4

Guilhem

Que s’ageish de la legenda de la mòta castrau de Ròcahòrt…
Qu’ei l’istòria de Gargantuam. Aqueth gigant que’s passejava peus costalats d’Armanhac en cèrca de herumi. Qu’èra ahamiat lo pire. Qu’ac caçava tot : lèbes, cabiròus, cèrvis, sanglars, equiròus, taishons, mandras… tot çò qui pòrta perissa !
Un dia qu’èra a córrer darrèr un ors, lo gigantàs qu’arribè a Tursan. Be n’avè ua hartèra de córrer per Sagòrra e Magòrra, e lo Mont ! Alavetz que s’estanquè, que s’assedó, que s’ajacè, que’s hasó de Lauret un capcèr e, abans de clucar…
Que’s secotí las bòtas au dessús de Ròcahòrt e los tarròcs de tèrra, en càder, que formèn la mòta. E crac e cric qu’èi lo conte fenit, e cric e crac qu’èi lo conte acabat