Cerisèr sauvatge

Guilhem

Lo cerisèr sauvatge, ceridèr, cerièr o armagasson

Un bèth arbo de husta dreta qui pòt aténher 20 mètres de haut dab brancas apitadas en ua cima clara.
Que pòden víver cent ans.
Que’n tròban pertot en França disseminats hens los bòscs o los plèishs.
Qu’an vist en cèrcas arqueologicas que los òmis de l’atge de hèr e minjavan hèras ceriesas o cerisas. Los ausèths que las aiman tanben e las abelhas que van a las flors amassar lo pollèn.
La husta qu’ei hèra apreciada preus menusèrs e ebenistas quan l’arbo ei joen pr’amor qu’ei hòrt e de bon polir, d’ua beròja color arroja e bruna qui’s sembla a l’acajó.
Que vau cercar joens plants au bòsc entà empeutar bonas espècias a minjar pr’amor las cerisas sauvatjas ne son pas çò de miélher.

Lo Joan Guishòt & lo Claudi Sent Blancard & lo Gerard Daviaud