Campionat de França de corsa landesa taus joens
Actu' Joens
Las finalas deu campionat de França deus joens escartaires e deus joens sautaires que’s debanaràn lo dimenge lo 17 de Seteme de 2023 a 16:30 a Garlin.
Despuish 2020, la corsa landesa qu’ei inscrivuda au patrimòni culturau immateriau de França.
E lo programa qu’ei deus bons:
10:00 – taus esportius, iniciacions esportivas de quilhas de 9, de fotbòl, de rugbi e de la corsa landesa.
10:00 – taus curiós, exposicion de vielhas atrunas peu Musèu l’Arasclet e demostracion de jòcs bearnés.
11:30 – iniciacion a la corsa landesa dab taurats e demostracions de cocarda.
12:30 – tiratge au sòrt deu Campionat deus Joens seguit d’un vin d’aunor auhèrt per la cordèra interprofessionau d’Armanhac, animat per l’armonia Garlinesa e deus cants bearnés.
13:00 – repaish Coursayre en musica e en cançons a la sala polivalenta sus reservacion abans lo 10/09 o formula « minja de pè » (mange debout) dab sieta de tapas.
16:30 – campionat deus joens Ecartaires e Sautaires. Marcha Cazeriena cantada en bearnés. Animacion musicau: Armonia Garlinesa. A la sortida deu campionat, vin d’aunor auhèrt per RUCTF.
19:30 – « vueita barricas « (vide fûts) e food truck
Que calerà cantar La Caseriena:
Ací qu’avetz lo purmèr coplet:
A tu Mazzantini, aquera qu’ei la toa,
Se ne l’escartas pas, seràs un pelheràs1.
A tu Mazzantini, que’t la cau escartar
Totun se vòs pojar en haut de l’escalòt.
etc.