Bona annada

Guilhem

Bona annada

Joena hilha deu Temps, sias la plan vienguda,
Dab lo devantau hargussat
Plen de presents beròis dont as hèit la cuelhuda
Entà semià’us a gran braçat.

Tots, dab la man tenuda, argaitan que desglaras,
E tu, tà tots los gosts que n’as :
Hartèra taus gormands, escuts entaus avares,
Brigalhas taus minja-quan-n’as.

Tà’us qui viven d’amor, l’arríder qui desvelha,
Quauques potons, miejas panats ;
Un veire de bon vin tau vielh e tà la vielha ;
Cibòts, canicas, taus mainats.

Mes, tot en perseguint pas a pas ta corruda,
Entà nats non barrejas plors :
Guarda en ta hauta las dolors.
Joena hilha deu Temps, sias la plan vienguda.

Andrèu Baudòrre