Bicentenari deu deschifrar deus ieroglifes
Actu' Joens
Jean-François Champollion ei l’òme que deschifrèc peu prumèr còp los ieroglifes.
Neish a Fijac, Òlt (46) lo 23 de deceme de 1790 e se morís lo 4 de març de 1832. Ei considerat coma lo fondator de l’egiptologia.
L’òme ei tot hèit per las lengas: parla lo francés, lo grèc ancian, lo latin e l’ebrèu desempuish 11 ans, l’arabe e l’aramèu [araméen] desempuish 13 ans, lo còpte d’Egipte deu sègle IIIau a 17 ans. Hè saunejar, non?
Transcripcion de la Pèira de Roseta per Champollion
Champollion estudia la Pèira de Roseta, ua pèira descobèrta per l’armada de Napoleon e constata que lo medish tèxte ei escriut en duas lengas (egipcian e grèc) mès en tres grafias : ieroglifes, egipcian demotic e grèc. Coma sap legir l’egipcian demotic e lo grèc, alavetz dedusís la tresau: los ieroglifes. Èm en 1822.
Lo Champollion ei tanben un finàs. A comprés que los ieroglifes ne son pas un sistèma ideografic (com lo chinés) ni fonetic (com lo noste) mès los dus au còp. Dab aquera ipotèsi, lo noste cercaire nota que lo tèxte grèc parla deus monarcas Cleopatra e Ptolemèu.
S’ès dens la region, pòts anar véser l’exposicion “Deschiframents” deu musèu Champolion a Fijac deu 9 de julhet dinc au 9 d’octobre.