Balha la man

Guilhem

Balha la man

Coplet 1 :

Que’m disè mainat ― « Balha’m la man,
Sus lo camin ne cadis pas,
Sia tòrt o dret, vè pas a pas,
Qu’arriberam abans doman ».
― « Mes òc Mamà,
Dens la toa man senti l’amor
Qui’m da la fòrça d’arpatejar,
Lo bonaür qui as d’estar dab jo
Que’m da hidança ent’avançar ».

Arrepic :

Dab un punhat de man
Coneishi mei plan l’aute,
Si m’espia de mei haut,
O si ei un òmi charmant.
Adiu, adiu,
Que’t tòqui de man,
E adishatz
Quan me’n vau dinc a doman.

Coplet 2 :

En me’n tornant de l’escòla
Tiení la man en farandòla,
En me’n tornant de la guingueta
Encontrèi mon amoreta :
― Que’u demandèi la man,
A l’estanquet cantam amistat,
E au vesin que dam la man,
Cau aver lo còr sus la man,
Aquò qu’ei solidaritat.

Coplet 3 :

Mamà batlèu se n’anerà,
Qu’a plan viscut, que pòt partir,
Urosa près de jo brave,
E en m’espiant que’m diserà :
― « Pren-me la man,
Sarra-la hòrt, trobarèi fòrça,
Segur la patz e l’esperança.
Dens tons uelhs vedi estelas,
E acerà un prat d’immortalas ».

Tèxte : Robèrt Capdebòsc
Musica : Robèrt Capdebòsc (arrepic) e Francés Ariza (coplet)
Acomodaments : Joan Nadau Barraquèr Corrièr, capdau
Los dus deu grop Los Hardidets de Maseròlas