Aseròu

Guilhem

L’aseròu

Acer.
Un arbo qui pòt aténher trenta mètres de haut e víver 150 a 200 ans, mei dens circonstàncias excepcionaus dinc a 500 ans.
La cima qu’ei grana e que balha ua beròja ombra.
Dinc a 40 ans la pèth qu’ei lissa de color grisa, mes après que s’escata en placas de pro grana talha.
La husta qu’ei hèra bona en ebenisteria, blanca o jauna, un pòc satinada, dab un gran fin e regular, que’s pòt tribalhar en tots sens e polir finament.
Qu’ei arrecercada preus menusèrs, ebenistas, lutèrs e tornèrs.
Sustot las huelhas de brossin qui balhan ua lupa de que los Romans aimavan har taulas luxuosas.
La saba de l’aseròu que conteng dinc a 5 % de sucre qui’s sembla a lo de la cana de sucre.
Dens quauques parçans que hicavan aquera saba dab pan en barricas entà la har borir. Que balhava ua bona cervesa qui’s guardava ua bèra pausa.
Un arbo de 30 a 40 ans que balha de trenta quate a quaranta seis quilos de saba.
Quan floreish en mai las abelhas qu’i amassan un excellent nectar.

Lo Joan Guishòt & lo Claudi Sent Blancard & lo Gerard Daviaud