Arreproèrs au torn deus ausèths

auseth

Guilhem

A cada ausèth,
Lo son nid que’u se hè bèth.

Cada auseron
Qu’a sa canson

Ausèth de bòsc
Atrapa qui pòt

Ausèth, qui lo matin au bòsc a cantat
Lo ser qu’ei plumat

Quan abriu ei eslorit
Cada ausèth que’s hè lo nid
A mens lo pic e lo gai
Qui se’u hèn au mes de mai.

Be’m hès lo beròi ausèth!

Lo qui a alas que pòt volar!

Que l’an abracat las alas.

Qu’ei maishant com ua agaça,
Que curaré los uelhs!

Volur com ua agaça!

Lo lèd nid que lo de l’agaça!

Que’n hè de tot plap, com l’agaça!

Quan l’agaça basteish haut
Signe de caut.
Quan l’agaça basteish baish,
Ben qu’averàs !

Quan tres agaças
En ua crotzada de camins son amassas
Un malaür que’vs menaça

Blanc, blanc com la haria
Negre, negre com la topia!

Qu’a mei de cuentas que lo cocut au mes de mai!

Quan vedis lo cocut sus l’arbo despulhat
Chic de palha e hòrt de blat!

A Sent Barnabèr, lo cocut vad esparvèr!

Posted in

1 commentaire

  1. Guilhem le 27/10/2022 à 14:32

    L’autor que’s hè Pèir Autar.

Laissez un commentaire

Vous devez être connectés afin de publier un commentaire.