A còps las montanhas que s’encontran

Double-fluted peak of Machepuchare with the steep rock and snow flanks.

Lo libe

Qu’ei un libe originau qui muisha l’espiar d’ua gojata de 15 ans, obligada de seguir pair e mair per un luenhèc viatge. Totun, per la joena Emmà, tot qu’ei descobèrta: lo país, la vita vitanta deus poblants tan diferenta de la nosta e tanben las montanhas ennevadas deus Anapurnàs. D’alhors, as espiat lo Machapochare? Que sembla a ua coda de peish, non?

Coma tostemps, l’autor, Benoit Larradet, qu’ajusta un drin d’umor au son raconte basat sus un quasèrn de viatge mès qui demora ua ficcion.

Ací qu’as la presentacion deu son libe.

Machapochare

Lo Machapochare que hè 6 998 mètres. Lo son nom que vòu díser “coda de peish”. Segon l’indoïsme, lo Machapochare que seré  la demora de Shiva, lo diu bon, lo qui balha bona sòrta. A còps, qu’ei considerat coma lo diu deu iòga. Alavetz, qu’ei ua montanha sacrada e non la podem pas escaladar.

Interessant. Daubuns cercaires, com Alain Daniélou, qu’an muishat los nombrós punts comuns enter Shiva e lo diu grèc Dionís (Dionysos en francés).

Debuta deu libe

Lo pair e la mair non son pas lo pair e la mair qui m’averí causits ! Lo pair e la mair non son
pas lo pair e la mair qui m’ac meriti ! E’vs contèssi tot çò qui èi de patir dab eths, non me voleretz
pas créder ! A còps que’m demandi qui ei l’adulta rasonabla, d’eths dab los lors quaranta ans, o de
jo tot juste aus quinze !

Quauques ligams

Anapurnà

Indoïsme

Imatges deu Machapochare

 

Posted in

Laissez un commentaire

Vous devez être connectés afin de publier un commentaire.